Di Maria milli karyerasını bitirəcək?

Argentina millisinin yarımmüdafiəçisi Anxel di Maria millidəki karyerasını bitirməyi düşünmür.

Komanda.az xarici KİV-ə istinadən xəbər verir ki, o, öncədən DÇ-2022-nin qalibi olduqdan sonra milli komandadakı karyerasını bitirəcəyini bildirmişdi. 34 yaşlı cənubi amerikalı Argentina millisində çıxışını davam etdirmək niyyətindədir.

Argentinalı hücumçu Lionel Messi də DÇ-2022-dəki qələbədən sonra millidəki karyerasını bitirmək fikrində olmadığını bildirib.

Argentina millisi DÇ-2022-nin finalında Fransanı penaltilər seriyasında məğlub edərək (3:3, penaltilər – 4:2), tarixində üçüncü dəfə dünya çempionatının qalibi olub. Cənubi Amerika təmsilçisi 1978 və 1986-cı illərdə də dünyanın ən güclü komandası adını qazanıb.