FİFA Messi ilə bağlı paylaşımı niyə silib?

Beynəlxalq Futbol Federasiyası (FİFA) sosial şəbəkə hesablarında Lionel Messi ilə bağlı paylaşım edib.

Komanda.az xarici KİV-ə istinadən xəbər verir ki, paylaşımda Messi tarixin ən böyük futbolçusu adlandırılıb. Lakin sonradan həmin paylaşım silinib.

Buna səbəb portuqaliyalı hücumçu Kriştiano Ronaldonun fanatlarının həmin paylaşıma mənfi şərhlər yazması olub.

Argentina millisi DÇ-2022-nin finalında Fransanı penaltilər seriyasında məğlub edərək (3:3, penaltilər – 4:2), tarixində üçüncü dəfə dünya çempionatının qalibi olub. Cənubi Amerika təmsilçisi 1978 və 1986-cı illərdə də dünyanın ən güclü komandası adını qazanıb.