Polşa klubu Musa Qurbanlını transfer edə bilər

Azərbaycan millisinin və “Qarabağ”ın futbolçusu Musa Qurbanlı karyerasını Polşada davam etdirə bilər.

Komanda.az xəbər verir ki, bu barədə “sportowefakty.wp.pl” məlumat yayıb. Məlumatda bildirilir ki, “Poqon” klubu 20 yaşlı hücumçunun xidmətində maraqlıdır.

Yeni hücumçu axtarışında olan Ekstraklassa təmsilçisi Musa Qurbanlını transfer etməyi düşünür. Yeganə problem onun “Qarabağ”la müqaviləsinin 2024-cü ilin yayına qədər qüvvədə olmasıdır. Amma bildirilir ki, “Poqon” futbolçunun transferi müqabilində Azərbaycan klubuna təzminat ödəməyə qarşı deyil.

Musa Qurbanlı cari mövsümdə Azərbaycan Premyer Liqasında keçirdiyi 13 oyunda 11 qol vurub.