Portuqaliyalı qapıçı ÇL-də yeni rekorda imza atdı

Portuqaliyanın “Portu” komandasının qapıçısı Dioqo Kosta UEFA Çempionlar Liqasının tarixinə düşüb.

Komanda.az xəbər verir ki, 23 yaşlı qolkiper buna ÇL-in qrup mərhələsinin 5-ci turu çərçivəsində Belçikada “Brügge”ni 4:0 hesabı ilə məğlub etdikləri oyunda nail olub.

Bu qarşılaşmada Noa Lanqın penaltisini dəf edən Kosta, qitənin bir nömrəli klub turnirində bir mövsümdə 3 penaltini qaytaran ilk qapıçıya çevrilib.

Xatırladaq ki, “Portu”nun yetirməsi olan portuqaliyalı qolkiper 2019-cu ildən əsas komandada çıxış edir.