“El klasiko”ya məşhur reperin loqosunun olduğu forma ilə çıxacaqlar – FOTO

“Barselona” “Real”a qarşı keçirəcəyi La Liqanın 9-cu tur oyununa kanadalı tanınmış reper Dreykin loqosunun yer aldığı forma ilə çıxacaq.

Komanda.az klubun rəsmi saytına istinadən xəbər verir ki, bu, Kataloniya təmsilçisinin “Spotify” internet musiqi xidməti ilə tərəfdaşlığı çərçivəsində baş tutacaq.

Klub ilk dəfə geyim dəstində öz loqosunu başqası ilə əvəz edəcək.

Anlaşmaya əsasən, formanın ön hissəsindəki bu dəyişiklik mövsümün gedişində daha tez-tez olacaq.

“Barselona” və “Real” arasında “el klasiko” oktyabrın 16-da keçiriləcək və saat 18:15-də başlayacaq.