Dünyanın ən varlı adamları siyahısındadır – “Barselona”dan ayrılan futbolçu

“Espanyol”un hücumçusu Martin Breytveyt dünyanın ən varlı adamları siyahısındadır. O, futboldankənar bizneslə məşğuldur. Lakin danimarkalı futbolçu bu məsələ ilə bağlı danışmağı sevmir.

Komanda.az “sport.es”-ə istinadən xəbər verir ki, Breytveyt, sağlamlığın puldan vacib olduğunu deyib:

“Pul haqqında danışmaq istəmirəm, sağlamlıq ən vacib şeydir. Sənin sağlamlığın yoxdursa, pulla nə edəcəksən? Buna görə də, çox şanslıyam – ailəm sağlamdır və mən xoşbəxtəm”.

Breytveytin Fransa və İspaniyada bir neçə uğurlu biznesi var. Onun sərvəti 250 milyon dollar qiymətləndirilir.

Breytveyt 1 sentyabr 2022-ci ildə “Barselona”dan ayrılaraq “Espanyol”a keçib. O, “Barsa”nın heyətində 58 oyun keçirib və 10 qol vurub.