“Bu matçdan həzz almaq istəyirəm” – Dibala

“Roma”nın hücumçusu Paulo Dibala İtaliya A Seriyasının 3-cü turunun “Yuventus”la oyunundan gözləntilərini bölüşüb.

Komanda.az xarici KİV-ə istinadən xəbər verir ki, o, dostlarının olduğu şəhərə qayıdacağını deyib:

“Emosiyalarla dolu oyunumuz var. Çoxlu dostlarımın olduğu şəhərə qayıdacam. Yeddi il Turində məni öz evimdəki kimi hiss etdirən, “Yuventus” azarkeşləri olan, çox gözəl anlar yaşadığım və çoxlu kuboklar qazandığım stadiona qayıdacam.

Lakin bu dəfə “Roma” üçün hər şeyi edəcəm. “Roma” azarkeşləri məni ilk gündən qəbul etdilər. Bütün bunlar futbolun gözəlliyidir. Mən bu matçdan həzz almaq istəyirəm. Əminəm ki, bu, təsirli bir tamaşa olacaq… Qalib gəlmək üçün hər şeyi edəcəm”.

“Roma” iyulun 20-də Dibalanı transfer etdiyini açıqlayıb. 28 yaşlı argentinalı “Roma”ya azad agent kimi keçib və 2025-ci ilin iyun ayının sonuna qədər müqavilə imzalayıb.

“Yuventus” – “Roma” matçı avqustun 27-də keçiriləcək.