Yubiley oyununda qol

Aleksey İsayev “Sabah”ın heyətində 50-ci çempionat matçına çıxıb. Bu, Misli Premyer Liqasının 3-cü turuna təsadüf edib.

Komanda.az xəbər verir ki, “Neftçi” ilə ev matçında penaltidən qol vuran yarımmüdafiəçi yubileyinə töhfə verib. Bakı klubunda 3-cü mövsümünü keçirən İsayev 50 qarşılaşmada 8 qola imza atıb.

Aleksey “Sabah”ın tarixində Premyer Liqada 50 və daha çox oyun keçirən 6-cı futbolçudur. Onadək yalnız beş oyunçu “100”-ü yarılayıb.

İsayevin hesabı bərabərləşdirdiyi qarşılaşmada meydan sahibləri qələbə qazanıb – 2:1.