Messidən keçmiş komanda yoldaşına təbrik

PSJ-nin hücumçusu Lionel Messi keçmiş komanda yoldaşı Luis Suaresi Uruqvayın “Nasional” klubuna keçməsi münasibətilə təbrik edib.

Komanda.az xəbər verir ki, Messi “tvitter” hesabında bunları yazıb:

“Salam! Səni möhkəm qucaqlayıram! Karyeranın yeni mərhələsində uğurlar arzulayıram. Bu qədər uzun müddətdən sonra öz klubun “Nasional”a qayıtmağın sənin üçün nə qədər vacib olduğunu bilirəm”.

Suares ötən mövsüm “Atletiko”nun heyətində 45 oyuna çıxıb və 13 qol vurub. O, karyerasına məhz “Nasional”da başlayıb.

Bizi Telegramda izləyin