Nani Avstraliya klubunda

Avstraliyanın “Melburn” klubu portuqaliyalı futbolçu Nani ilə müqavilə imzalayıb.

Komanda.az klubun rəsmi saytına istinadən xəbər verir ki, 35 yaşlı futbolçu ilə müqavilənin müddəti açıqlanmayıb. Nani yaxın vaxtlarda komandaya qoşulacaq.

O, klubun saytına açıqlamasında komandanı Avstraliya liqasının ən yaxşısı adlandırıb:

“Melburn”da oynamağı səbirsizliklə gözləyirəm. Bu komanda liqanın ən yaxşısıdır və azarkeşlərin tribunada yaratdığı ab-hava Avropadakından fərqlənmir”.

Nani “Melburn”a azad agent kimi transfer olunub. O, ötən mövsümün ikinci yarısında İtaliya “Venetsiya”sında çıxış edib və 10 matçda 1 məhsuldar ötürmə edib.

Bizi Telegramda izləyin