“Mançester Yunayted”in yeni ev forması – FOTO

“Mançester Yunayted” 2022/2023 mövsümü üçün yeni ev formasını təqdim edib.

Komanda.az xəbər verir ki, köynəyin diqqət çəkən elementlərindən biri naxışlı polo yaxasıdır. Bu, “Mançester Yunayted”in tarixinin mühüm məqamlarında geyindiyi bəzi formaların dizaynını xatırladır.

Yeni forma dəsti tamamilə təkrar emal olunmuş materiallardan hazırlanıb.

“Qırmızı şeytanlar” ilk dəfə olaraq yeni formada mövsümöncəsi tur çərçivəsində Banqkokda “Liverpul”la yoxlama görüşündə çıxış edəcəklər.

“Mançester Yunayted” Premyer Liqanın yeni mövsümündə ilk oyununu avqustun 7-də “Brayton”a qarşı keçirəcək.

Bizi Telegramda izləyin