PSJ-dən Poqbaya sonuncu təklif

PSJ “Mançester Yunayted”in keçmiş yarımmüdafiəçisi Pol Poqbanı transfer etmək və onun “Yuventus”a keçidinə mane olmaq istəyir.

Komanda.az “La Repubblica”-ya istinadən xəbər verir ki, Paris klubu fransalı futbolçunu transfer etmək üçün sonuncu cəhd edib. PSJ Poqbaya illik 13,5 milyon avro məvacib, həmçinin müxtəlif bonuslar təklif edib ki, bu da “Yuventus”un təklifini xeyli üstələyir.

Daha əvvəl Poqbanın “Yuventus”la müqavilə imzalamağa yaxın olduğu bildirilirdi.

Fransalı futbolçu ötən mövsüm “Mançester Yunayted”in heyətində bütün yarışlarda 27 oyuna çıxıb, bir qol vurub, doqquz məhsuldar ötürmə edib. Poqba əvvəllər – 2012-2016-cı illərdə “Yuventus”da çıxış edib.

Bizi Telegramda izləyin