Totti Dibalanı inandırmağa çalışacaq

“Roma”nın sabiq futbolçusu Françesko Totti “Yuventus”un hücumçusu Paulo Dibalanı paytaxt klubuna keçməyə razı salmağa çalışacağını deyib.

Komanda.az “Sky İtalia”-ya istinadən xəbər ki, Totti, argentinalı futbolçuya məsləhət verəcəyini bildirib:

“Gəlin görək onu Romaya gətirə biləcəyəmmi? Bazar ertəsi görüşəcəyik, onu inandırmağa çalışacam. Samuel Etonun xeyriyyə matçı üçün Milanda olacağıq, birlikdə oynayacağıq, ona məsləhət verəcəm. Ona nə isə çatdırmağa çalışacam, yəqin bacararam”.

Dibalanın Turin klubu ilə müqaviləsi bu ilin iyununda başa çatır. “İnter”in 28 yaşlı argentinalıya illik 6 milyon avro maaşla 4 illik müqavilə təklif edəcəyi bildirilirdi.

Dibala bu mövsüm “Yuventus”un heyətində 36 oyuna çıxıb, 15 qol vurub və 6 məhsuldar ötürmə edib.