“Neftçi” – “Zirə” matçının biletləri satışa çıxarıldı

Azərbaycan kubokunun yarımfinal mərhələsi çərçivəsində aprelin 29-da keçiriləcək “Neftçi” – “Zirə” matçının biletləri satışa çıxarılıb.

Komanda.az xəbər verir ki, qiyməti 3A sektoruna 5 AZN, digər sektorlara isə 1 AZN təşkil edən biletləri 8-ci km stadionunun kassalarından əldə etmək mümkündür.

Qeyd edək ki, kassalar bu gün saat 18:00-dək, oyun günü isə 11:00-dan 20:30-dək işləyəcək.

8-ci km stadionunda baş tutacaq sözügedən qarşılaşmaya saat 20:30-da start veriləcək. Bu komandalar arasındakı ilk oyun 0:0 hesabı ilə başa çatıb.