Runi: “Bu komandanı inkişaf etdirmək istəyirəm”

Çempionşipdə mübarizə aparan “Derbi Kaunti” klubunun baş məşqçisi Ueyn Runi komandanın uğursuz çıxış etməsi haqda açıqlama verib.

Komanda.az “Sky Sports”-a istinadən xəbər verir ki, ingilis mütəxəssis, komandanı dirçəltməyə hazır olduqlarını deyib:

“Komanda Çempionşipi tərk edir, amma azarkeşlərin bu qədər dəstək verməsini gözləmirdim. Mövsümboyu bu böyük dəstəyi aldıq. Təbii ki, məyus oluram, üzülürəm, amma həm də, fəxr edirəm. Biz baş verənlərin üstündən xətt çəkib, komandanı dirçəltməyə başlaya bilərik. İrəli getməyə çalışmalıyıq. Mən bu komandanı inkişaf etdirmək istəyirəm. Bu, azarkeşlər üçün çox şey deməkdir. “Derbi Kaunti” xüsusi klubdur və biz hamımız burada olmaqdan qürur duyuruq. Mən “Derbi Kaunti” azarkeşlərinin xoşbəxt günlərini geri qaytaran biri olmaq istəyirəm”.

“Derbi Kaunti” Çempionşipdə 43 turdan sonra 31 xalla sonuncudan əvvəlki – 23-cü sırada qərarlaşıb.