Azərbaycan millisinin 2 keçmiş futbolçusu karyerasını başa vurdu

Azərbaycan millisinin keçmiş iki futbolçusu – Rail Məlikov (36 yaş) və Ruslan Əmircanov (37 yaş) futbolçu karyeralarını başa vurublar.

Komanda.az xəbər verir ki, “Şamaxı”nın (keçmiş “Keşlə”) oyunçuları komandalarının Premyer Liqanın 22-ci turunun “Neftçi” ilə Şamaxıda keçirilən oyunundan əvvəl futbolla vidalaşıblar.

“Şamaxı” klubunun rəhbəri Zaur Axundov oyundan əvvəl hər iki futbolçuya xatirə formaları hədiyyə edib.

Məlikov və Əmircanov bir müddətdir məşqçilikdə B kateqoriyası üzrə kurslarda oxuyur.