“Barselona” çox güclüdür” – Spaletti

“Napoli”nin baş məşqçisi Luçano Spaletti “Barselona” ilə Avropa Liqasının pley-off mərhələsinin cavab oyunu ilə bağlı gözləntilərini bölüşüb.

Komanda.az UEFA-nın rəsmi saytına istinadən xəbər verir ki, Spaletti, rəqibdən qorxmadıqlarını bildirib:

“Qorxacaq heç nəyimiz yoxdur. Risk etməliyik və nə etmək istədiyimizi göstərməliyik. Əks halda, müdafiə olunmaq məcburiyyətində qalacağıq. “Barselona” çox güclüdür. Onların Lionel Messisi var idi. Amma o gedəndən sonra da komanda zəifləməyib, bütün mövqelərdə əla oyunçuları var. Hər iki komanda əsas vaxtda qələbə qazanmağa çalışacaq”.

Bu gün keçiriləcək “Napoli” – “Barselona” matçı saat 00.00-da başlayacaq.

İspaniyada keçirilən ilk oyun 1:1 hesablı heç-heçə ilə yekunlaşıb.