“Bakıdakı matç çətin olacaq” – “Marsel”in futbolçusu

“Marsel”in futbolçusu Pol Lirola Fransada “Qarabağ”a 3:1 hesabı ilə qalib gəldikləri UEFA Konfrans Liqasının pley-off mərhələsinin ilk oyunundan sonra fikirlərini bidirib.

Komanda.az Fransa mətbuatına istinadən xəbər verir ki, müdafiəçi Bakıdakı cavab matçında da qalib gəlməli olduqlarını bildirib:

“Bakıdakı matç çətin olacaq, iki top fərqi ilə üstünük və səfərdə də qalib gəlməliyik.
Bu, kifayət qədər lazımlı nəticə deyil, səfərdə tam qüvvəmizi ortaya qoymalıyıq. Şəxsən mən özümü daha yaxşı hiss edirəm, fiziki, həm də oyun planında. Oyunsuz vaxt keçirib başlayanda çətin olur. Ritmi tapmaq lazımdır. Bizim sıx qrafikimiz var. Milad tətilindən qayıdandan sonra çox yaxşı işləmişik. Hər kəs start heyətdə yer ala bilər”.

“Qarabağ”la “Marsel” arasında cavab görüşü fevralın 24-də Bakıda oynanılacaq.