“Fiorentina”dan səfər qələbəsi

Futbol üzrə İtaliya A Seriyasında 25-ci tura yekun vurulub.

Komanda.az xəbər verir ki, ilk oyun günündə üç qarşılaşma keçirilib. Turun açılış matçında “Latsio” doğma meydanda “Bolonya”nı qəbul edib və darmadağına sevinib. “Torino” evdə “Venetsiya”ya uduzub.

Lider “İnter” isə çətin “Napoli” səfərinə yollanıb. Komandalar bu oyundan hərəyə 1 qol və 1 xalla ayrılıblar.

Turun əksər oyunları bazar gününə təsadüf edib. “Verona” “Udineze” ilə ev oyununda 4 cavabsız qola sevinib. “Milan” isə “Sampdoriya”nı minimal hesabla üstələyib. Günün qalan bütün oyunları heç-heçə bitib. “Sassuolo” – “Roma” görüşündə qonaqlar məğlubiyyətdən son anda qurtula biliblər.

“Cenoa” – “Salernitana” və “Empoli” – “Kalyari” matçlarında komandalar hərəyə 1 qol və 1 xalla kifayətləniblər. “Yuventus” isə “Atalanta” ilə üz-üzə gəlib. Bu oyunda da Turin təmsilçisi son dəqiqə qolu ilə məğlubiyyətdən xilas olub.

Turun qapanış matçında “Spetsiya” “Fiorentina”nı qəbul edib. Florensiya təmsilçisi səfərdən qələbə ilə dönüb.

İtaliya A Seriyası, 25-ci tur

12 fevral

Latsio – Bolonya 3:0
Qol: İmmobile, 13-pen. Zakkayni, 53; 63.

Napoli – İnter 1:1
Qol: İnsinye, 7-pen – Dzeko, 47.

Torino – Venetsiya 1:2
Qol: Brekalo, 5 – Haps, 38. Çrniqoy, 46.

13 fevral

Milan – Sampdoriya 1:0
Qol: Leao, 8.

Cenoa – Salernitana 1:1
Qol: Destro, 32 – Bonassoli, 45+1.

Verona – Udineze 4:0
Qol: Depaoli, 2. Barak, 31. Kaprari, 66. Tameze, 85.

Empoli – Kalyari 1:1
Qol: Pinamonti, 38 – Pavoletti, 84.

Sassuolo – Roma 2:2
Qol: Smollinq, 47-öz qapısına. Traore, 73 – Abraham, 45+1. Kristante, 90+4.

Atalanta – Yuventus 1:1
Qol: Malinovski, 78 – Danilo, 90+1.

14 fevral

Spetsiya – Fiorentina 1:2
Qol: Aqudelo, 74 – Pyontek, 42. Amrabat, 89.

Bombardir: Duşan Vlahoviç (“Yuventus”), Çiro İmmobile (“Latsio”) – 18 qol.