“Yuventus”a transferini “instagram”da açıqladı

Hazırda azad agent statusu daşıyan braziliyalı futbolçu Vesli yeni klubunun adını açıqlayıb.

Komanda.az xəbər verir ki, 19 yaşlı sağ cinah müdafiəçisi “Yuventus”a transfer olacağını bildirib. Bu barədə o, “instagram” hesabında paylaşım edib.

“Real”da forma geyinən Junior Vinisius və “Milan”da çıxış edən Lukas Paketa bu münasibətlə Veslini təbrik edib. Lakin Vesli daha sonra paylaşımını silib.

Vinisius, Paketa və Vesli bir müddət Braziliyanın “Flamenqo” klubunda birlikdə forma geyinib.

Son olaraq Braziliyanın “Flamenqo” klubunda çıxış edən Vesli, martın 25-dən azad agent statusu daşıyır.