DÇ-2022: Azərbaycan – İrlandiya matçının hakimləri bilindi

DÇ-2022-nin seçmə mərhələsi çərçivəsində oktyabrın 9-da keçiriləcək Azərbaycan – İrlandiya matçının hakimləri məlum olub.

Komanda.az xəbər verir ki, qarşılaşmanı Norveçdən olan hakimlər briqadası idarə edəcək. Oyunun baş hakimi Espen Eskas olacaq. Ona yan xətt hakimləri Kim Tomas Haqlund və Oystein İtterland kömək edəcəklər. Dördüncü hakim funksiasını Kay Erik Stin yerinə yetirəcək.

Matçın VAR hakimi türkiyəli referi Abdulkadir Bitigen, onun köməkçisi isə Ali Palabıyık olacaq.

Oktyabrın 9-da Bakı Olimpiya Stadionunda keçiriləcək Azərbaycan – İrlandiya matçı saat 20:00-da başlayacaq.