“Kərim möhtəşəm görünür”

“Real”ın baş məşqçisi Karlo Ançelotti komandanın hücumçusu Kərim Benzema haqda danışıb.

Komanda.az xəbər verir ki, klubun mətbuat xidmətinə açıqlama verən italyan mütəxəssis, fransalı hücumçunun möhtəşəm oyun sərgilədiyini deyib:

“Kərim möhtəşəm görünür. Ötürmə verir, komandanın müdafiəsinə kömək edir və bununla bərabər də 8 qol vurub. O, ancaq qol vuran hücumçu deyil. Benzema hərtərəfli hücumçudur. İstirahət etməyə ehtiyacı olsa, onun yerinə Luka Yoviç şans qazanacaq”.