İlham Əliyev paralimpiyaçıları mükafatlandırdı

Azərbaycan Prezidenti İlham Əliyev Yaponiyanın Tokio şəhərində keçirilən 16-cı Yay Paralimpiya Oyunlarında ən yüksək nəticələrə görə əlilliyi olan idmançılar və onların məşqçiləri üçün mükafatların müəyyən edilməsi haqqında sərəncam imzalayıb.

Komanda.az xəbər verir ki, sərənacama əsasən, Yaponiyanın Tokio şəhərində keçirilən Yay Paralimpiya Oyunlarında əldə etdikləri ən yüksək nəticələrə görə Azərbaycan Respublikasının əlilliyi olan idmançılar və onların məşqçiləri üçün mükafatların məbləği aşağıdakı qaydada müəyyən edilib:

• birinci yeri tutan hər bir idmançıya 200 000 (iki yüz min), onun məşqçisinə 100 000 (yüz min) manat;
• ikinci yeri tutan hər bir idmançıya 100 000 (yüz min), onun məşqçisinə 50 000 (əlli min) manat;
• üçüncü yeri tutan hər bir idmançıya 50 000 (əlli min), onun məşqçisinə 25 000 (iyirmi beş min) manat

 Azərbaycan idmançıları Tokio-2020-də 14 qızıl, 1 gümüş və 4 bürünc medal qazanıblar.