“Yuventus”da yeni müqavilə

“Yuventus” futbolçusu Mario Mancukiçin müqaviləsinin müddətini uzadıb.

Komanda.az xəbər verir ki, Turin təmsilçisi xorvat hücumçuyla 2021-ci ilə qədər yeni sözləşmə imzalayıb. Bu barədə klubun rəsmi saytı məlumat yayıb.

2015-ci ildən “Yuventus”da forma geyinən Mancukiç, bu mövsüm İtaliya A Seriyasında 23 qarşılaşmada iştirak edib və 8 qolla yadda qalıb.