Duşan Kerkes: “Baş verənləri yaxşı qarşılamıram”

Kiprin AEL komandasının baş məşqçisi Duşan Kerkesin Konfrans Liqasının 3-cü mərhələsinin “Qarabağ”la matçından sonra mətbuat konfransı keçirilib.

Komanda.az xəbər verir ki, o, 0:1 hesabıyla məğlub olduqları matçı belə şərh edib:

• “Qarabağ”ı təbrik edirəm. Futbolçularıma əzmkarlıqlarına görə təşəkkür edirəm. Nəticə məni məmnun edə bilməz. Özümüzdən büdcə baxımından 5-6 dəfə böyük bir kluba uduzduq. Stadiondakı atmosferdən çox razı qaldım.
• Bu nəticəni faciə hesab edirsiz?
• Nəticəyə görə üzülürük. Bütün rəqiblərə hörmətlə yanaşırıq. Hər oyuna qələbə üçün çıxırıq. Bir müddət istirahət etdikdən sonra çempionata köklənəcəyik.
• İlk oyundakı komanda ilə bugünkü fərqlənirdi. Bu gün istədiyiniz oyunu sərgiləyə bilməməyinizin səbəbi nə idi?
• Öz oyunumuzu göstərə bilmədik. Meydançanın vəziyyəti hər iki komandaya mane oldu. “Qarabağ” bizdən daha təcrübəlidir. Oyunu təhlil etməyə vaxtımız var. Nəticə çıxarmağa çalışacağıq.
• İlk oyunda kiprli azarkeşlərlə Qurban Qurbanov arasında olan hadisələrə yanaşmanız necədir və bu gün bu sizə qarşı baş versəydi, necə reaksiya verərdiz?
• Qurban Qurbanovun artıq komandada 13-cü ilidir. Bu münasibətlə onu təbrik edirəm. Yaxşı komanda yaradıb. Ümimiyyətlə, geriyə baxmağı xoşlamıram. Baş verənləri yaxşı qarşılamıram. Siyasətlə futbolu qarışdırmaq istəmirəm. Azarkeşlər tərəfindən bizə qarşı xoşagəlməz hal olduğunu deyə bilmərəm.

Şahin Cəfərov