Mövsümün rəmzi komandası açıqlandı – Premyer Liqada

İngiltərə Peşəkar Futbol Assosiasiyası Premyer Liqada 2020/21 mövsümünün rəmzi komandasını təqdim edib.

Komanda.az qurumun saytına istinadən xəbər verir ki, ən yaxşı 11-likdə çempion olan “Mançester Siti”dən altı futbolçu yer alıb.

“Mançester Yunayted” və “Tottenhem” siyahıda hərəyə 2 futbolçu ilə təmsil olunursa, ötən mövsümün qalibi “Liverpul”dan yalnız bir oyunçu fərqlənənlər sırasında yer ala bilib.

Qapıçı: Ederson (“Mançester Siti”);

Müdafiəçilər: Lyuk Şou (“Mançester Yunayted”), Joao Kanselo , Con Stounz, Ruben Dias (hamısı “Mançester Siti”);

Yarımmüdafiəçilər: İlkay Gündoğan, Kevin de Breyne (hər ikisi “Mançester Siti”), Bruno Fernandes (“Mançester Yunayted”);

Hücumçular: Məhəmməd Salah (“Liverpul”), Son Hın Min, Harri Keyn (hər ikisi “Tottenhem”).