Huntelar və Kolaşinaç “Şalke”dən ayrıldı

Almaniyanın “Şalke” klubu iki futbolçusunun komandadan ayrıldığını açıqlayıb.

Komanda.az klubun rəsmi saytına istinadən xəbər verir ki, bunlar hücumçu Klas-Yan Huntelar və müdafiəçi Sead Kolaşinaçdır. Sonuncu müqavilə ilə məxsus olduğu “Arsenal”a qayıdıb.

Hər iki futbolçu bu ilin yanvarında “Şalke”yə keçmişdi. Huntelar daha əvvəl də (2010-2017) Almaniya klubunda çıxış edib. 37 yaşlı Hunteların karyerasını başa vuracağı gözlənilir.

Qeyd edək ki, “Şalke” yeni mövsümdən 2-ci Bundesliqada çıxış edəcək.