“Sabah” daha bir futbolçusunu yola saldı

“Sabah” klubla müqavilə müddəti bitən Kevin Kubemba ilə yollarını ayırıb.

Komanda.az xəbər verir ki, bu barədə klubun rəsmi saytı məlumat yayıb.

“Sabah” futbolçuya xidmətlərinə görə təşəkkür edib, ona gələcək karyerasında uğurlar arzulayıb.

Kevin 2019-cu ilin iyun ayından bu komandanın üzvü idi. “Sabah” ondan öncə müqavilə müddəti bitən Məhəmməd Mirzəbəyov, Amadu Diallo və Alvaro Vilyete ilə də yollarını ayırmışdı.