Bundesliqada mövsümə yekun vuruldu

Bu gün futbol üzrə Almaniya Bundesliqasında sonuncu – 34-cü turun oyunları keçirilib.

Komanda.az xəbər verir ki, bütün qarşılaşmalar eyni vaxtda oynanılıb.

Çempion “Bavariya” son turda doğma meydanda “Auqsburq”u qəbul edib. Məhsuldar alınan qarşılaşma Münhen təmsilçisinin qələbəsiylə yekunlaşıb. Berlinin “Yunion” komandası doğma meydanda mövsümün gümüş mükafatçısı “Leyptsiq”i qəbul edib və çətin qələbəyə sevinib. Avropa Liqasının qrup mərhələsinə vəsiqəni təmin edən “Bayer” Dortmund səfərində “Borussiya” ilə qarşılaşıb. Dortmundlular bu oyunda qələbə qazanmaqla bürünc mükafata sahib çıxıblar. Münhenqladbax “Borussiyas”ı səfərdə “Verder”in qonağı olub və darmadağına sevinib.

Beləliklə, mövsümün yekunlarına əsasən, çempion “Bavariya” ilə yanaşı, “Leypsiq”, “Borussiya” (Dortmund) və “Volfsburq” komandaları UEFA Çempionlar Liqasında iştirak hüququ qazanıb. “Ayntraxt”la “Bayer” Almaniyanı Avropa Liqasında, “Yunion” isə Konfrans Liqasında təmsil edəcək.

Son iki pilləni tutan “Şalke” və “Köln” klubları əsas Bundesliqanı tərk edib. 16-cı pilləni tutan “Verder” isə elitada qalmaq üçün pley-off oyunları keçirməli olacaq.

Almaniya Bundesliqası, 34-cü tur

22 may

Bavariya – Auqsburq 5:2
Qol: Qaueleu, 9-öz qapısına. Qnabri, 23. Kimmix, 33. Koman, 43. Levandovski, 90 – Han, 67. Nyederlexner, 72.

Borussiya D – Bayer 3:1
Qol: Haland, 5; 84. Roys, 51 – Bender, 90-pen.

Ayntraxt F – Frayburq 3:1
Qol: A.Silva, 62-pen. Ture, 87. Axe, 90+3 – Yonq, 77.

Hoffenhaym – Herta 2:1
Qol: Adamyan, 49. Kramariç, 90+1 – Darida, 43.

Ştutqart – Arminiya 0:2
Qol: Klos, 66-pen. Doan, 72.

Yunion – Leyptsiq 2:1
Qol: Fridrix, 67. Kruse, 90+2 – Kluyvert, 55.

Verder – Borussiya M 2:4
Qol: Raşiça, 80. Fullkruq, 83 – Ştindl, 3. Turam, 52. Bensebaini, 58. Noyhaus, 67.

Volfsburq – Maynts 2:3
Qol: Filipp, 47. J.Viktor, 66 – Boetius, 44. Kayson, 54. Bell, 77.

Köln – Şalke 1:0
Qol: Bornau, 86.

Bombardir: Robert Levandovski (Bavariya) – 41 qol.