“Bizə qarşı oyunlarda güclərinin 200 faizini istifadə edirlər” – Daliç

AÇ-2020-nin seçmə mərhələsinin ikinci turunda Macarıstana məğlub olan Xorvatiya millisinin baş məşqçisi Zlatko Daliç fikirlərini bildirib.

Komanda.az Xorvatiya mətbuatına istinadən xəbər verir ki, Daliç, 1:2 hesabıyla bitən matçı belə şərh edib:

“Apardığı mübarizəyə görə ev sahiblərini təbrik edirəm. Vurduğumuz ilk qoldan sonra oyundan düşdük və hesabı qoruya bilmədik. Onlar bizdən daha aqressiv oyun sərgilədi.

İkinci hissədə üstünlük bizdə idi. Çoxlu qol imkanlarımız oldu, ancaq bundan yararlana bilmədik. Bütün rəqiblər bizə qarşı oyunlarda güclərinin 200 faizini istifadə edirlər. Bundan sonra daha yaxşı oyun sərgiləyib, yolumuza davam etməliyik”.

Xorvatiya millisi AÇ-2020-nin seçmə mərhələsinin ilk oyununda Azərbaycanı 2:1 hesabıyla məğlub edib.