“Roma”da ciddi itki – 3 ay olmayacaq

İtaliyanın “Roma” klubu ciddi itki ilə üzləşib.

Komanda.az xəbər verir ki, paytaxt klubunun qapıçısı Pau Lopes sıradan çıxıb. Bu barədə “Sky Sport İtalia” nəşri məlumat yayıb. Avropa Liqasının yarımfinal mərhələsinin “Mançester Yunayted”lə ilk oyununda (2:6) zədələnən Lopes, 3 ay yaşıl meydanlardan uzaq qalacaq.

“Roma” “Mançester Yunayted”ə cavab matçında 3:2 hesabıyla qalib gəlsə də, iki oyunun nəticəsinə görə Avroliqada mübarizəni dayandırıb.