Bundesliqa klubunda yeni hücumçu

Almaniyanın “Hoffenhaym” klubu heyətini yeni futbolçu ilə gücləndirib.

Komanda.az xəbər verir ki, Bundesliqa təmsilçisi Fransanın “Renn” klubunun hücumçusu Jorjinyo Rütteri transfer edib.

Bu barədə klubun rəsmi saytı məlumat yayıb. 18 yaşlı fransız hücumçu ilə müqavilə 2025-ci ilin yayına qədər nəzərdə tutulub.

Rütter “Renn”in öz yetirməsidir. O, sözügedən komandanın heyətində həm Liqa 1, həm də UEFA Çempionlar Liqası matçlarında iştirak edib.