“Arsenal” İsrail yığmasının üzvüylə maraqlanır

İngiltərənin “Arsenal” klubu “Şaxtyor”un (Ukrayna) futbolçusu Manor Solomonla maraqlanır.

Komanda.az xəbər verir ki, bu barədə “The Guardian” nəşri məlumat yayıb. Xəbərdə, London klubunun yayda israilli yarımmüdafiəçini transfer etməyə çalışacağı bildirilib.

Solomonun “Şaxtyor”la müqaviləsi 2023-cü ilin yayına qədərdir. 21 yaşlı futbolçu bu mövsüm Donetsk təmsilçisi ilə 17 oyunda 5 qol vurub.

Solomon İsrail millisinin də üzvüdür.