“Ümid edirəm ki, bu, bizim üçün dönüş nöqtəsi olacaq” – Arteta

İngiltərə Premyer Liqasının 15-ci turu çərçivəsində “Çelsi”yə 3:1 hesabı ilə qalib gələn “Arsenal”ın baş məşqçisi Mikel Arteta açıqlama verib.

Komanda.az İngiltərə mətbuatına istinadən xəbər verir ki, ispan mütəxəssis, belə qələbəyə ehtiyacları olduğunu bildirib:

“Bu oyunda nəticə ən vacib məsələ idi. Belə qələbəyə çox ehtiyacımız vardı. 8 həftədir şanssızlıq yaşayırdıq. Oyundan əvvəl komandada atmosfer əla idi. Futbolçular bu qələbəni həqiqətən istəyirdilər. Komandam və azarkeşlər üçün çox sevinirəm. “Çelsi” çempionatdakı ən güclü heyətə malik komandalardandır, amma bu gün əksər anlarda biz daha yaxşı təsir bağışladıq. Ümid edirəm ki, bu, bizim üçün dönüş nöqtəsi olacaq”.