Simeone üçün yubiley qələbəsi

“Atletiko” İspaniya La Liqasının 15-ci turu çərçivəsində “Real Sosyedad”ı 2:0 hesabı ilə məğlub edib.

Komanda.az xəbər verir ki, bu qələbə Madrid klubunun baş məşqçisi Dieqo Simeone üçün əlamətdar olub. “Real Sosyedad” üzərində qələbə Simeonenin “Atletiko”nun “sükanı arxasında” 300-cü qələbəsi olub. O, bu göstəriciyə 499-cu oyunda çatıb. Simeone 500-dən az oyunda 300 qələbəyə sevinən ikinci mütəxəssis olub. Daha əvvəl “Real”ın sabiq çalışdırıcısı Miçel Munos 500-dən az oyunda 300 qələbəni bayram edib.