“Barselona” üzərindəki qələbə bizə inam verdi” – Ronaldo

“Yuventus”un futbolçusu Kriştiano Ronaldo A Seriyasının 11-ci turu çərçivəsində “Cenoa”ya qarşı keçirdikləri səfər oyunundan sonra açıqlama verib.

Komanda.az xəbər verir ki, yerli mətbuata danışan portuqaliyalı hücumçu, 3:1 hesabıyla qələbə qazandıqları görüşü belə şərh edib:

“Məqsədimiz hər zaman qələbə qazanmaqdır. Çətin oyun oldu. Şəxsi rekordlarım məni sevindirir, amma hər zaman əsas olan komandamızın 3 xal qazanmasıdır. “Barselona” üzərindəki qələbə bizə inam verdi. Bu oyunda bunun nəticəsini gördük”.

“Yuventus” A Seriyasında 23 xalla 4-cü sırada qərarlaşıb.