Son 64 ilin ən reytinqli klubları – UEFA açıqladı

UEFA-nın keçirdiyi yarışlarda 1955-2019-cu illər aralığında ən çox reytinq xalı toplayan klubların adları açıqlanıb.

Komanda.az qurumun saytına istinadən xəbər verir ki, 30 komandanın yer aldığı siyahıda lider “Real”dır. Madrid təmsilçisi 600 xalla 1-ci sırada yer alıb. “Real” bu dövr ərzində Çempionlar Liqasında 13 kubok qazanıb.

UEFA-nın hazırladığı reytinq siyahısında 2-ci “Bavariya”, 3-cü isə “Barselona”dır. Münhenlilərin 474, kataloniyalıların isə 446 xalı var.

Siyahıda Türkiyənin “Qalatasaray” klubu da yer alıb. 157 xalı olan “cim-bom” 23-cü sıradadır.

İlk “10-luq”

1. “Real” (İspaniya) – 600
2. “Bavariya” (Almaniya) – 474
3. “Barselona” (İspaniya) – 446
4. “Mançester Yunayted” (İngiltərə) – 374
5. “Yuventus” (İtaliya) – 349
6. “Milan” (İtaliya) – 314
7. “Liverpul” (İngiltərə) – 289
8. “Benfika” (Portuqaliya) – 287
9. “Portu” (Portuqaliya) – 277
10. “Ayaks” (Niderland) – 266