“Sumqayıt” – “Çukariçki” matçına bütün biletlər satıldı

“Sumqayıt” iyulun 29-da Avropa Konfrans Liqasının 2-ci təsnifat mərhələsi çərçivəsində Serbiyanın “Çukariçki” komandası ilə cavab matçına çıxacaq.

Komanda.az xəbər verir ki, sözügedən qarşılaşma üçün satışa çıxarılmış biletlər artıq satılıb.

Bu barədə klubun mətbuat xidməti məlumat yayıb. Amma bu görüş üçün satışa nə qədər bilet çıxarıldığı açıqlanmır.

Qeyd edək ki, Sumqayıt stadionunda keçiriləcək bu oyuna saat 20:00-da start veriləcək. Komandalar arasındakı ilk oyun qolsuz bitib – 0:0.