“Real” növbəti mərhələdə, “Barselona” kubokdan kənarlaşdırıldı

Futbol üzrə İspaniya kubokunda 1/8 final mərhələsinin oyunları keçirilib.

Komanda.az xəbər verir ki, bu gün iki qarşılaşma baş tutub.

Əvvəlcə “Valensiya” səfərdə aşağı liqa təmsilçisi “Atletiko” (Baleares) ilə qarşılaşıb. Minimal hesabla qalib gələn La Liqa təmsilçisi sürprizə imkan verməyib.

“Betis” isə “Sevilya”nı qəbul edib. Əslində bu matç bir gün öncə baş tutmuşdu. Lakin ilk hissənin sonlarında “Betis” azarkeşlərinin meydana atdığı kənar əşyalardan biri qonaq komandanın yarımmüdafiəçisi Joan Jordanın başından xəsarət alması ilə nəticələnib. Hakim dərhal futbolçuları meydandan çıxarıb və oyunu davam etdirmək istəməyib. Müzakirələrdən sonra oyun bu gün qaldığı (1:1) yerdən, lakin azarkeşlərin iştirakı olmadan davam etdirilib. Meydan sahibləri daha bir qol vurmaqla qələbə qazanıblar və “Sevilya”nı mübarizədən kənarlaşdırıblar.

Madrid “Atletiko”su “Real Sosyedad”la qarşılaşıb. Son İspaniya çempionu 2 cavabsız qolla uduzaraq kubokla vidalaşıb.

Sonuncu oyun günündə “Real” “Elçe”nin, “Barselona” isə “Atletik”in qonağı olub. Madrid təmsilçisi çətin qələbə sayəsində 1/4 finala yüksəlsə də, Kataloniya klubu kubokla vidalaşmaq məcburiyyətində qalıb.

İspaniya kuboku, 1/8 final

15 yanvar

Sportinq (Xixon) – Kadis 0:0 (penaltilər 2:4)

Jirona – Rayo Valyekano 1:2
Qol
: Bernardo, 26 – S.Qvardiola, 45+1; 48.

Malyorka – Espanyol 2:1
Qol
: Kubo, 32. Prats, 60 – Puado, 62.

16 yanvar

Atletiko (Baleares) – Valensiya 0:1
Qol
: M.Andre, 1.

Betis – Sevilya 2:1
Qol
: N.Fekir, 39. Kanales, 73 – P.Qomes, 35.

19 yanvar

Real Sosyedad – Atletiko (Madrid) 2:0
Qol
: Yanuzay, 33. Sörlot, 47.

20 yanvar

Elçe – Real 1:2
Qol
: Verdu, 103 – İsko, 108. Hazard, 115.

Atletik – Barselona 3:2
Qol
: Muniain, 2; 105+1-pen. Martines, 86 – F.Torres, 20. Pedri, 90+3.

Bizi Telegramda izləyin

Bizi Facebook-da izləyin

Əlaqəli yazılar

Back to top button