“Sabah”la oyunda yaxşı nəticə əldə etmək istəyirik” – “Sent-Patriks Atletik”in futbolçusu

İrlandiyanın “Sent-Patriks Atletik” klubunun yarımmüdafiəçisi Ceymi Lennon Konfrans Liqasının təsnifat mərhələsinin 3-cü turunun sabah Dublində “Sabah”a qarşı keçiriləcək ilk oyunu ilə bağlı fikirlərini bildirib.

Komanda.az xəbər verir ki, klubun rəsmi saytına danışan irlandiyalı futbolçu, “Sabah”la matçda qələbə qazanmaq istədiklərini deyib:

“Bilirik ki, turnirin əvvəlki mərhələlərində olduğu kimi, “Sabah”la bu oyunda da azarkeşlərimiz bizimlə olacaq. “Sabah”la oyunda yaxşı nəticə əldə etmək istəyirik. Bilirik ki, izdihamın yüksək dəstəyi buna nail olmaqda bizə kömək edəcək”.

Komandalar arasında “Tallaqt” stadionunda keçiriləcək oyun saat 22:45-də başlayacaq.