“Qarabağ”la matça tam hazırıq”

Fransanın “Nant” komandasının yarımmüdafiəçisi Lüdovik Blas Avropa Liqasının qrup mərhələsinin 2-ci turu çərçivəsində “Qarabağ”a qarşı keçirəcəkləri səfər oyunundan öncə fikirlərini bölüşüb.

Komanda.az xəbər verir ki, o, bu gün Bakıda baş tutan mətbuat konfransında bunları söyləyib:

“Yol problem deyil. Uyğunlaşmaq üçün bir az tez gəldik. Tam olaraq matça hazırıq”.

25 yaşlı futbolçu Yunanıstan “Olimpiakos”u ilə görüşdən sonra bəzi çətinliklərin olduğunu bildirib: “Buna baxmayaraq, sabahkı matçda yaxşı oynamaq istəyirik”.

Blas “Nant”ın stabil çıxış edə bilməməsi barədə də danışıb: “Düşünürəm ki, evdə oynayanda daha rahat oluruq. Azarkeş amili də rol oynayır. Amma ölkə xaricində niyə belə çıxış etdiyimizi deyə bilmərəm”.

Sabah Tofiq Bəhramov adına Respublika stadionunda keçiriləcək qarşılaşmaya saat 20:45-də start veriləcək.

Mehri Qurban

Bizi Telegramda izləyin

Bizi Facebook-da izləyin

Əlaqəli yazılar

Back to top button