“Neftçi”nin legioneri üçün 90 dəqiqə və 1 xal

“Neftçi”nin yarımmüdafiəçisi Mamadu Kane Qvineya millisinin heyətində növbəti matçına çıxıb.

Komanda.az xəbər verir ki, onun formasını geyindiyi bu komanda DÇ-2022-nin seçmə mərhələsi çərçivəsində Sudan yığmasıyla qarşılaşıb.

Səfərdə baş tutan bu oyunda qalib müəyyənləşməyib. Qarşılaşma 1:1 hesabıyla bitib. Komandasının start heyətində meydana çıxmış Kane, sonadək mübarizə aparıb.

Qvineya yığması bu nəticədən sonra 2 xalla yer aldığı İ qrupunda 3-cü pillədə qərarlaşıb.