Mbappe “Real”ı tərk edir?

“Real”ın hücumçusu Kilian Mbappe komandanı tərk edə bilər.

Komanda.az xarici KİV-ə istinadən xəbər verir ki, fransalı futbolçu bəzi komanda yoldaşlarının davranışından narazıdır. Xüsusilə, Mbappenin “kral klubu”nun digər hücumçusu Vinisius Junyorla anlaşılmazlıq yaşadığı bildirilir.

Mbappe Madrid təmsilçisinə 2024-cü ilin yayında qoşulub və onun müqaviləsinin müddəti 2029-cu ilin iyununun sonuna qədərdir.

27 yaşlı forvardın bazar dəyəri 200 milyon avro olaraq qiymətləndirilir. O, cari mövsümdə La Liqa çərçivəsində 28 oyuna çıxaraq 24 qol vurub.