“Mançester Yunayted” “Çelsi”ni darmadağınla yola saldı

İngiltərə Premyer Liqasında 32-ci turdan təxirə salınmış daha bir oyun keçirilib.

Komanda.az xəbər verir ki, “Mançester Yunayted” mövsümün ən uğursuzlarından olan “Çelsi” ilə qarşılaşıb.

“Qırmızı şeytanlar” “zadəganlar”ı böyük hesabla məğlub edib.

Mançester təmsilçisi bu qələbə sayəsində xallarının sayını 72-yə çatdırıb və üçüncü pilləyə yüksəlib. “Çelsi” isə 43 xalla 12-ci pillədə qalıb.

İngiltərə Premyer Liqası
32-ci turun oyunu
25 may

Mançester Yunayted – Çelsi 4:1
Qol: Kazemiro, 6. Marsyal, 45+5. B.Fernandes, 73-pen. Raşford, 78 – J.Feliks, 89.