“Liverpul”a çatmaq çox çətindir” – Aquero

“Mançester Siti”nin futbolçusu Serxio Aquero Premyer Liqanın 20-ci turunda “Şeffild Yunayted”i məğlub etdikləri oyundan sonra fikirlərini bildirib.

Komanda.az xəbər verir ki, BBC-yə danışan argentinalı hücumçu 2:0 hesabıyla qələbə qazandıqları görüşü belə şərh edib:

“Qalib gəlmək məcburiyyətində idik. 3 xal qazandığımız üçün sevincliyəm. “Liverpul”a çatmaq çox çətindir. Ancaq bütün diqqətimizi qələbələrə verməliyik. Çünki yeni mövsümdə də Çempionlar Liqasında olmalıyıq”.

“Mançester Siti” Premyer Liqada lider “Liverpul”dan 14 xal geridədir.