“Keşlə” sabahdan başlayır

“Keşlə” klubu iyun ayının 20-dən etibarən təlim-məşq toplanışına başlayacaq.

Komanda.az klubun “facebook” səhifəsinə istinadən xəbər verir ki, Bakıda start götürəcək toplanışda “Keşlə” 4 yoxlama matçı keçirməyi planlaşdırır. Bakı təmsilçisi ilk yoxlama matçını oyunun 29-da keçirəcək. Rəqib hələlik məlum deyil.

“Keşlə”nin ikinci yoxlama matçı iyul ayının 5-də olacaq. Komanda Sumqayıt şəhər stadionunda keçiriləcək yoxlama matçında “Sumqayıt”la qarşılaşacaq.

İyulun 13-də “Keşlə” Zirə İdman Kompleksinin stadionunda “Zirə” ilə qarşılaşacaq.

Dördüncü yoxlama matçı iyulun 24-də keçiriləcək. Rəqib isə hələlik məlum deyil.