Karrik “Arsenal”la matç haqda: “Bu, tamamilə fərqli bir oyun idi”

“Mançester Yunayted”in baş məşqçisi Maykl Karrik Premyer Liqada “Arsenal” üzərində 3:2 hesablı qələbəni şərh edib.

Komanda.az xarici KİV-ə istinadən xəbər verir ki, o, futbolçularının əsl xarakter göstərdiyini söyləyib:

“Düşünürəm ki, bu, ötən həftə ilə müqayisədə tamamilə fərqli bir oyun idi, bu gün çoxlu qarışıq anlarımız oldu. Bu gün uşaqlar əllərindən gələni etməli idilər, lazım olduqda xarakter və əsl bacarıq nümayiş etdirdilər.

İndi isə bu anı azarkeşlərlə bölüşə, qələbəni qeyd edə, hiss edə bilərik. Düşünürəm ki, hamımızın arzuladığı şey budur: son qollar, böyük oyunlarda qələbə qolları. Bu, inanılmaz bir hissdir”.