Futbolçular və klub prezidenti təyyarə qəzasında həlak oldular

Braziliyanın Portu-Nasional (Tokantis ştatı) şəhərində təyyarə qəzası baş verib.

Komanda.az xəbər verir ki, hadisə zamanı təyyarədə pilotdan başqa, Braziliyanın dördüncü divizionunda mübarizə aparan “Palmas” klubunun prezidenti və dörd futbolçusu da olub.

Belə ki, Luzimanqese limanından havaya qalxan şəxsi təyyarə bir neçə dəqiqə sonra uçuş zolağının yaxınlığındakı əraziyə düşərək partlayıb. Nəticədə klub prezidenti Lukas Meyra və dörd futbolçu – Lukas Praksedes, Gilyerme Noe, Ranule, Markus Molinari həlak olub.

“Palmas” həlak olanların yaxınlarına və doğmalarına başsağlığı verib. Komanda sabah səfərdə “Vila-Nova” klubuna qarşı oynamalı idi. Futbolçular və klub başqanı da məhz bu oyun üçün Qoyaniyaya uçurdu.

Bizi Telegramda izləyin

Bizi Facebook-da izləyin

Əlaqəli yazılar

Back to top button