Çempionlar Liqasını qazanıb, tarixə düşdü – “Barselona”

Futbol üzrə qadınlar arasında UEFA Çempionlar Liqasının qalibi bəlli olub.

Komanda.az xəbər verir ki, final matçında İngiltərənin “Çelsi” və İspaniyanın “Barselona” komandaları üz-üzə gəliblər. İsveçin Göteborq şəhərindəki “Qamla Ullevi” stadionunda baş tutan qarşılaşmada “Barselona” 4:0 hesablı qələbə qazanaraq, çempion olub.

“Barselona” qadınlar və kişilər arasında Çempionlar Liqasının qalibi olan yeganə klub kimi tarixə düşüb.