Qvardiola “Arsenal”ı dünyanın ən yaxşı komandası sayır

“Mançester Siti”nin baş məşqçisi Xosep Qvardiola İngiltərə Liqa kubokunun finalında “Arsenal”la keçirəcəkləri oyundan danışıb.

Komanda.az xarici KİV-ə istinadən xəbər verir ki, o, bunu deyib:

“Avropanın və bəlkə də, dünyanın ən yaxşı komandası olan “Arsenal”a qarşı oynamaq xoşdur. “Arsenal”ın gücü çox şeydən xəbər verir: statistikası, ardıcıllığı, bir çox fərqli detalları idarə etmək qabiliyyəti. Belə bir rəqibə qarşı nə qədər çox oynasaq, bir o qədər yaxşı olacağıq”.

“Şəhərlilər” çərşənbə günü “Nyukasl”ı məğlub edərək turnirin ikinci finalçısı olub. Eyni zamanda, bir gün əvvəl “Arsenal” “Çelsi”ni məğlub edərək finala vəsiqə qazanıb.